#ПадзялісяСвятам

Свята робіцца ўласнымі рукамі.
Глядзі, як яго ствараюць дзеці, і дзяліся ім сам — з сябрамі, суседзямі, сваякамі і беларускімі дзецьмі на сайце hutka.help.

Хачу свята

Адкуль бярэцца свята?

Калі ты прызначыш нейкі дзень проста так — святочным ён не стане. Для свята людзям патрэбныя іншыя людзі. Яны скажуць цёплыя словы, падораць падарункі, упрыгожаць дамы і вуліцы і, галоўнае, здзейсняць цуды. Што гэта за свята без цудаў?

Хуткая Ўзаемадапамога дапамагае беларусам быць яшчэ больш беларусамі ў гэтыя навагоднія і калядныя дні. Мы аб’ядноўваем людзей, якія шукаюць святочны настрой, з тымі, хто ім дзеліцца. Кругазварот віншавальных словаў, жаданняў і падарункаў робіць свята сапраўдным. Адзін без аднаго мы не запусцім магію Новага Года.

#ПадзялісяСвятам

#ПадзялісяСвятам, каб яно стала сапраўдным

Хочаш здейсніць маленькі цуд? Мы прыдумалі, як проста гэта зрабіць. Рэпрэсаваныя беларусы і двойчы бежанцы спыталі сваіх дзяцей, што яны хочуць знайсці пад ялінкай.

Хочаш святочны настрой? — Збірай арыгамі!

Якая сувязь паміж святам і фігуркамі з паперы? Усё проста!
Глядзі ролікі-інструкцыі ад дзяцей і збірай навагодніх персанажаў.
Вешай іх на ялінку ці саджай на падваконне. Стварай з імі дамашні лялечны тэатр ці здымай на тэлефон смешныя мульцікі. Клей на паштоўкі і дары іх сябрам.
Гэта працуе, мы праверылі.
Свята магчыма стварыць толькі разам: дзеці робяць яго для нас, а мы — для іх.

1

Глядзі ролікі

Дзеці раскажуць табе, як хутка і проста стварыць уласныя цацкі

2

Рабі арыгамі

Гэта прасцей, чым ты думаеш, а радасці ад выніку — поўны воз

3

Дзяліся святочным настроем

Посці ў сацсеткі сваіх папяровых герояў з хэштэгам #ПадзялісяСвятам і распавядай пра дзяцей, якія чакаюць цудаў

4

Данаць з Хуткай Ўзаемадапамогай

Пераводзь грошы бацькам на падарункі іх дзеткам і адчувай сваю прыналежнасць да свята

Дзед Мароз

Хто прыносіць падарункі? Дзед Мароз. Без яго Новы год немагчымы. Але гэтаму казачнаму герою ўласцівыя простыя чалавечыя якасці: адкладваць усё да апошняга моманту і ў ноч дэдлайна ліхаманкава развозіць мільёны падарункаў. Мы яго ўсё роўна любім і заўжды чакаем.

Здейсніць маленькі цуд

Ялінка

Дзе шукаць падарункі? Пад ялінкай. Але спачатку трэба яе паставіць, упрыгожыць, атрымаўшы бясплатны сеанс іголкаўколвання, і ўратаваць ад празмернай любові ката. Гэта той яшчэ квэст, але ўсе мы праз яго праходзім.

Здейсніць маленькі цуд

Анёлак

Хто адказны за цуды? Анёлак. На небе яму даюць салодкую сняжынку-ледзянец за кожны здзейснены цуд. Так што не падводзь анёлкаў: не забывай расказваць ім пра свае жаданні і дапамагай здзяйсняць мары іншых людзей.

Здейсніць маленькі цуд

А яшчэ, каб свята множылася, распаўзалася і падхоплівала іншых, посці свае цацкі-арыгамі (і як ты іх збіраеш таксама!) у сацсеткі з хэштэгам #ПадзялісяСвятам. Так больш людзей узгадае, што гэта ўжо Новы Год на носе і прыйшоў час здзяйсняць цуды. І пра цуды не забывай — данаць з Хуткай Узаемадапамогай на падарункі дзецям рэпрэсаваных беларусаў і двойчы бежанцаў.